Շենքի բակում դանակով մոտ 8 անգամ հարվածել է 30-ամյա երևանցուն. մանրամասներ` սպանության փորձից
Ինչպես արդեն Քննչական կոմիտեից հայտնել էին, երեկ՝ փետրվարի 10-ին, «Աստղիկ» բժշկական կենտրոնից ոստիկանության Մաշտոցի բաժին ստացված ահազանգի փաստով։ Ժամը 17։25-ի սահմաններում նշված բժշկական կենտրոնից հայտնել էին, որ «արմնկային շրջանի, որովայնի առաջնային պատի և նստատեղի կտրած-ծակած վերքեր» ախտորոշմամբ իրենց մոտ է տեղափոխվել մի քաղաքացի։ Դեպքի մասին shamshyan.com-ին մանրամասներ են հայտնի դարձել: Մասնավորապես, կայքը նշում է, որ մինչ բժիշկները պայքարում էին ծայրահեղ ծանր ախտորոշմամբ իրենց մոտ տեղափոխված վիրավորի կյանքի համար, ոստիկանները պարզել են, որ նա Երևանի բնակիչ՝ 37-ամյա Կարեն Բունիաթյանն է։
Փետրվարի 10-ին, ժամը 15։30-ի սահմաններում Տիգրանյան փողոցի շենքերից մեկի բնակարանում վիճաբանություն է տեղի ունեցել Կ. Բունիաթյանի և Երևանի բնակիչ՝ 30-ամյա Էրիկ Մարանդյանի միջև, որի ժամանակ վերջինս դանակով մի քանի անգամ (մոտ 8) հարվածել է Կ. Բունիաթյանի մարմնի տարբեր մասերին։ Ոստիկանները հայտնաբերել են կասկածյալին, բերման են ենթարկվել ու ձերբակալել:
Հանցագործության գործիք դանակը ևս հայտնաբերվել է:
