Իրանը ցուցադրել է նոր բալիստիկ հրթիռ
Իրանի Իսլամական հեղափոխության պահապանների կորպուսը (ԻՀՊԿ) ցուցադրել է նոր բալիստիկ հրթիռ։ Այս մասին հայտնում է Mehr գործակալությունը։
«Խեյբար-Շեկան» հրթիռը ներկայացվել է Իրանի զինված ուժերի շտաբի պետ, գեներալ-մայոր Մոհամմադ Բաղերիի և Իսլամական հեղափոխության պահապանների կորպուսի օդատիեզերական ուժերի հրամանատար, բրիգադային գեներալ Ամիր Ալի Հաջիզադեի ներկայությամբ։ Սա ԻՀՊԿ-ի հեռահար հրթիռներից է, որն ունի յուրահատուկ բնութագրեր։ Այն օգտագործում է պինդ վառելիք:
Հրթիռը չափազանց մանևրելի է և կարող է խոցել թիրախները մինչև 1450 կմ հեռավորության վրա։ Հրթիռի նախագծմամբ և ստեղծմամբ զբաղվել են ԻՀՊԿ օդուժի մասնագետները։
