Անպատասխանատու․ Ուզբեկստանից մեկնաբանել են Լուկաշենկոյի վերջին հայտարարությունները
Պաշտոնական Տաշքենդը քննադատում է Բելառուսի նախագահ Ալեքսանդր Լուկաշենկոյի վերջին հայտարարությունները, որոնց համաձայն՝ առաջիկա 15 տարիներին հետխորհրդային տարածքի մի շարք երկրներ, այդ թվում՝ Ուզբեկստանը, կմիանան Ռուսաստան-Բելառուս միութենական պետությանը, փոխանցում է ria.ru-ն։
Լրատվականի աղբյուրը անդրադարձել է Միութենական պետությանն անդամակցելու անհրաժեշտության մասին հարցին, ասել, որ իրենց երկիրն ունի ազգային զարգացման ռազմավարության իր ուղին։
Ավելի վաղ Լուկաշենկոն ռուս լրագրող Վլադիմիր Սոլովյովին տված հարցազրույցում ասել էր, որ Ուզբեկստանը տնտեսական անհրաժեշտությունից ելնելով կարող է դառնալ Ռուսաստանի և Բելառուսի միութենական պետության մաս։
«Մի շարք անպատասխանատու հայտարարություններ, որոնք ոչ մի կերպ չեն համապատասխանում երկու երկրների համատեղ ջանքերով ձեռք բերված միջպետական հարաբերությունների ոգուն և մակարդակին: Խելամիտ կլիներ, որ հարգարժան Ալեքսանդր Գրիգորևիչը զբաղվի առաջին հերթին իր ներքին և արտաքին դժվարին խնդիրներով. Այդ մասին հայտնել է աղբյուրը՝ մեկնաբանելով Բելառուսի նախագահի հայտարարությունը», - ասել է ria.ru-ի աղբյուրը։
