Ռաֆայել Հարությունյանի սանը՝ Նաթան Չենը հաղթեց կարճ ծրագրում: Ամերիկացին իր ելույթի համար ստացել է 113,97 միավոր՝ դրանով իսկ կարճ ծրագրում սահմանելով նոր համաշխարհային ռեկորդ։

Նախկինում ռեկորդը պատկանում էր ճապոնացի Յուզուրու Հանյուին, որը սահմանվել էր 2020 թվականի Չորս մայրցամաքների առաջնությունում՝ 111,82: Չենն իր ծրագիրը կատարել է Շառլ Ազնավուրի երաժշտության ներքո։

Ավելի վաղ Հարությունյանի սանը ԱՄՆ հավաքականի կազմում Պեկինի ՕԽ թիմային պայքարի կարճ ծրագրում ևս հանդես էր եկել Շառլ Ազնավուրի La Bohème երգի ներքո։