Պուտինի Թուրքիա այցի վերաբերյալ պայմանավորվածություն կա

Մոսկվայի եւ Անկարայի միջեւ կա պայմանավորվածություն ՌԴ նախագահ Վլադիմիր Պուտինի այցի վերաբերյալ, սակայն կոնկրետ ժամկետներ դեռ հաստատված չեն։ Այս մասին երեքշաբթի լրագրողներին հայտնել է ՌԴ ղեկավարի մամուլի քարտուղար Դմիտրի Պեսկովը, փոխանցում է ՏԱՍՍ-ը։

«Իսկապես, ապագայում այդպիսի այց կլինի։ Այդ այցի վերաբերյալ, ինչպես բազմիցս ասել ենք, Պուտինը եւ [Թուրքիայի նախագահ Ռեջեփ Թայիփ] Էրդողանը պայմանավորվել են։ Նրանք պայմանավորվել են, որ այցը տեղի կունենա այն ժամանակ, երբ նախագահների ժամանակացույցն ու համաճարակաբանական պայմանները թույլ տան։ Հստակ ժամկետներ դեռ չկան, բայց դիվանագիտական ​​ուղիներով դրանք ժամանակին կհամաձայնեցվեն»,- ասել է նա՝ պատասխանելով համապատասխան հարցին։