Լեհաստանից վարձկաննե՞ր են ժամանել Դոնբաս․ ո՞րն է նպատակը

Կիևի վերահսկողության տակ գտնվող Դոնբասի տարածք են ժամանել Լեհաստանի զինվորականները: Այս մասին հայտարարել են Դոնեցկի Ժողովրդական Հանրապետության հատուկ վարչությունից, փոխանցում է Ռիա Նովոստին։ 

«ԴԺՀ ժողովրդական միլիցիայի հետախուզությունը տեղեկություններ է ստացել Ուկրաինայի զինված ուժերի այսպես կոչված գործողության գոտի լեհ վարձկանների ժամանելու մասին», - լրագրողներին ասել է գերատեսչության ներկայացուցիչը:

Նա պարզաբանել է, որ Պոպասնայա բնակավայրի շրջանում նկատել են զինված մարդկանց երկու խումբ, յուրաքանչյուրում ՝ մինչեւ 20 մարդ, «մարտավարական տիպի խառը համազգեստով»:

«Պարզվել է, որ նշված անձինք խոսում են լեհերեն եւ ժամանել 24-րդ մեքենայացված բրիգադի պատասխանատվության գոտում խնդիրների կատարման համար ։ Նրանց խնդիրն է ուկրաինական ուժերի ստորաբաժանումների հետ համատեղ իրականացնել հատուկ գործողություններ, որոնք նպատակամղված են շարքից հանել կենսապահովման օբյեկտները, սոցիալական ենթակառուցվածքները», - պատմել է ժողովրդական միլիցիայի ներկայացուցիչը:

Գերատեսչությունում կարծում են, որ ուկրաինացի ուժայինների հարձակումից առաջ վարձկանները կփորձեն առավել նշանակալի վնաս հասցնել քաղաքացիական ենթակառուցվածքի օբյեկտներին, որպեսզի ԴԺՀ-ի ստորաբաժանումները պատասխան գործողություններ տան:

Ներկայացուցիչը նաև նշել է, որ Կիեւին ռազմական օգնության մասին Լեհաստանի հայտարարություններն անհամատեղելի են ոչ միայն նախագահության, այլեւ ԵԱՀԿ-ին Վարշավայի անդամակցության հետ:
Նա պարզաբանել է, որ շարունակվում են արեւմտյան երկրների կողմից մահաբեր զենքի մատակարարումներն Ուկրաինա եւ, գերատեսչության կարծիքով, ցինիկ են թվում Լեհաստանի կառավարության գործողությունները:

«Այս տարվա սկզբին, երբ Լեհաստանը ստանձնեց նախագահությունը ԵԱՀԿ-ում, վարչապետ Մատեուշ Մորավեցկին ասում էր, որ Լեհաստանն ամեն ինչ կանի Եվրոպայում խաղաղության եւ անվտանգության համար», - հիշեցրել Է գերատեսչության ներկայացուցիչը:

Մեկ ամիս անց Մորավեցկին բացահայտ հայտարարել Է Ուկրաինային զինամթերք, «Գրոմ» զենիթահրթիռային համալիրներ եւ անօդաչու թռչող սարքեր հանձնելու մտադրության մասին, որոնցով, ԴԺՀ-ի ժողովրդական միլիցիայի վարչության կարծիքով, համալրվում են ոչ միայն Ուկրաինայի զինված ուժերը, այլեւ ազգայնական կազմակերպությունները:

Լեհական կողմի հայտարարությունները չեն նպաստում խաղաղությանն ու կայունությանը, այլ հրահրում են իրավիճակի սրում և Կիևին դրդում են սկսել Դոնբասի բնակչության ցեղասպանությունը։ 

Բացի այդ, Դոնբասում հայտարարել են Ռուսաստանում արգելված «Աջ սեկտոր»  կազմակերպությունից ազգայնականների ժամանման մասին։