Ռուսաստանի դեմ ԱՄՆ-ի պատժամիջոցների պատճառով NYT-ը նախազգուշացրել է ֆոնդային շուկայի տապալման մասին 

Ռուսաստանի դեմ ԱՄՆ-ի հնարավոր պատժամիջոցները կարող են առաջացնել «ֆինանսական խուճապ» եւ լուրջ վնաս հասցնել համաշխարհային տնտեսությանը, գրում է ՌԻԱ Նովոստի-ն՝ հղում անելով New York Times թերթին: 

Հոդվածի հեղինակները համարում են, որ Մոսկվայի նկատմամբ սահմանափակումները կարող են ցնցել զարգացած երկրների, հատկապես, եվրոպական պետությունների տնտեսությունը, եւ վտանգ ներկայացնել համաշխարհային ֆինանսական համակարգի կայունությանը: 

«Չափազանց դաժան պատժամիջոցները, որոնք ԱՄՆ պաշտոնական անձինք սպառնում են սահմանել Ռուսաստանի դեմ, կարող են առաջացնել բարձր գնաճ, հանգեցնել ֆոնդային շուկայի տապալմանն ու ֆինանսական խուճապի այլ ձեւերին: Դրանք կարող են վնաս հասցնել հենց ամերիկացիներին՝ սկսած միլիարդատերերից մինչեւ պետական պաշտոնյաներն ու միջին խավի ընտանիքները»,-ասվում է հրապարակման մեջ: 

Առաջարկվել է նաեւ, որ Ռուսաստանը կարող է ձեռնարկել հակամիջոցներ, օրինակ, սահմանափակել գազի մատակարարումը Եվրոպայում: 

Ամերիկյան թերթի թղթակիցները քննադատել են Վաշինգտոնի հռետորությունը, քանի որ ավելի վաղ ոչ ոք չէր փորձում հսկայական պատժամիջոցներ սահմանել ընդդեմ խոշոր տնտեությունների, ինչպիսին է ռուսականը: