Կիեւում իր գլխավոր գրասենյակից Ուկրաինայի հետախուզությունը դուրս է բերել գաղտնի փաստաթղթերը. WP

Ուկրաինայի հետախուզական ծառայությունը Կիեւում իր  գլխավոր գրասենյակից մի քանի գաղտնի փաստաթուղթ է տեղափոխել դեպի երկրի արեւմուտք: Այդ մասին ասվում է The Washington Post թերթում: 

«Ուկրաինական հետախուզությունը տեղափոխել է գաղտնի փաստաթղթեր եւ սարքավորումներ մայրաքաղաքում իր գլխավոր գրասենյակից դեպի երկրի արեւմուտքում անվտանգ վայրեր»,-պնդում են թերթի աղբյուրները: 

Նյութի հեղինակների կարծիքով՝ ուկրաինական հետախուզական ծառայությունների այդպիսի գործողություններն «արտաքին նշաններ են», որ Կիեւը պատրաստվում է Ռուսաստանի հետ սահմանին իրավիճակի հնարավոր սրացման: Այդպիսի այլ նշաններից պարբերականը նշում է երկրում մահացու զենքի մատակարարումները: