ՏԵՍԱՆՅՈՒԹ. Տաջիկստանի կողմն անտեսում է սահմանին կրակի դադարեցման պահանջները. իրավիճակը լարված է

Տաջիկստանը սահմանին հակամարտությունում օգտագործում է զինված ուժեր, ինչը հակասում է համաձայնագրերին ։ Բացի այդ, տաջիկ զինվորականները թիրախավորված կրակ են բացում Ղրղզստանի էլեկտրահաղորդման գծերի եւ սահմանային անցակետերի վրա, հայտարարել Է Ղրղզստանի սահմանապահ ծառայությունը:  Նշվում է, որ Տաջիկստանի կողմն անտեսում է սահմանին կրակի դադարեցման պահանջները: 

Իրավիճակին անդրադարձել է և արագ արձագանքել ՀԱՊԿ գլխավոր քարտուղարը` կոչ անելով Տաջիկստանին և Ղրղզստանին անհապաղ դադարեցնել կրակը երկրների միջև սահմանին, հայտնում է ՏԱՍՍ-ը։Նա նշել է, որ ՀԱՊԿ-ը պատրաստ է օգնություն ցուցաբերել Տաջիկստանին և Ղրղզստանին կոնֆլիկտի խաղաղ կարգավորման համար:

Ղրղզա-տաջիկական սահմանին իրավիճակը սրվել է, տեղի է ունեցել փոխհրաձգություն։ Այս մասին հայտնում են Ղրղզստանի Հանրապետության ազգային անվտանգության պետական կոմիտեի սահմանային ծառայությունից։

Բատկենի շրջանի սահմանի այն հատվածում, որտեղ իրավիճակը սրվել է, տեղակայված սահմանապահ ստորաբաժանումները անցել են ուժեղացված հերթապահության։