Ողբերգական դեպք Երևանում. բնակարանում հայտնաբերվել են մոր և որդու դիերը

Երեկ՝ հունվարի 9-ին, ողբերգական դեպք է տեղի ունեցել Երևանում։ Ժամը 10։50-ի սահմաններում Արտաշիսյան փողոցի 45/21 շենքի բնակարաններից մեկում հայտնաբերվել է 2 դի։

Այս մասին գրում է shamshyan.com-ը:

Հայտնաբերվածները մայր և որդի՝ 72-ամյա Աիդա Բ-ն ու 47-ամյա Արթուր Գ-ն են։ Դատաբժշկի նախնական եզրակացության համաձայն, արտաքին զննությամբ դիակների վրա բռնության հետքեր չեն հայտնաբերվել։

Փաստի առթիվ նյութեր են նախապատրաստվում, նշանակվել է մի շարք փորձաքննություններ, այդ թվում՝ դատաբժշկական։ Աղբյուրի տեղեկություններով, նրանց մահվան պատճառը ցրտահարությունն է եղել։