Ավտովթարներ Գեղարքունիքի մարզում՝ մերկասառույցի պատճառով. կան տուժածներ. Shamshyan. com

Այսօր՝ դեկտեմբերի 24-ին, ճանապարհի մերկասառույցի պատճառով խոշոր ավտովթար է տեղի ունեցել Գեղարքունիքի մարզում։ Ժամը 12։30-ի սահմաններում Սևան-Մարտունի-Գետափ ավտոճանապարհի 7.5 կմ հատվածում բախվել են Գեղարքունիքի մարզի բնակիչներ՝ 38-ամյա Կարեն Խ-ի վարած ՎԱԶ 217030 մակնիշի և 38-ամյա Արտակ Ա-ի վարած ՎԱԶ 21015 մակնիշի ավտոմեքենաները։  

Ինչպես հայտնում է Shamshyan. com-ը, վթարի հետևանքով 2 վարորդները մարմնական վնասվածքներով տեղափոխվել են Սևանի բժշկական կենտրոն։ 

Փաստի առթիվ նյութեր են նախապատրաստվում։  

Մեկ այլ ավտովթար էլ տեղի է ունեցել ժամը 10։00-ի սահմաններում Սևան-Ծաղկունք-Զովաբեր ավտոճանապարհի 9.6 կմ հատվածում: 

Բախվել են Գեղարքունիքի մարզի բնակիչներ՝ 27-ամյա Վարդան Ս-ի վարած ՎԱԶ 2104 մակնիշի և 33-ամյա Արտյոմ Մ-ի վարած Opel մակնիշի ավտոմեքենաները։ 

Ինչպես հայտնում է Shamshyan, com-ը, վթարի հետևանքով Opel-ը դուրս  է եկել երթևեկելի գոտուց և գլխիվայր հայտնվել ձորակում, իսկ վարորդ Արտյոմ Մ-ն մարմնական վնասվածքներով տեղափոխվել է «Սևան» բժշկական կենտրոն։  Փաստի առթիվ նյութեր են նախապատրաստվում։