Քաղաքականություն

Ադրբեջանը կմտնի՞ ԵԱՏՄ․ Զախարովան մեկնաբանում է

Ադրբեջանը կմտնի՞ ԵԱՏՄ․ Զախարովան մեկնաբանում է
Ադրբեջանի և Եվրասիական տնտեսական միության (ԵԱՏՄ) փոխգործակցությունը կնպաստի փոխադարձ առևտրի ակտիվացմանը և խոշոր ենթակառուցվածքային նախագծերի իրականացմանը։ Այս մասին չորեքշաբթի կայացած…

Ադրբեջանի և Եվրասիական տնտեսական միության (ԵԱՏՄ) փոխգործակցությունը կնպաստի փոխադարձ առևտրի ակտիվացմանը և խոշոր ենթակառուցվածքային նախագծերի իրականացմանը։ Այս մասին չորեքշաբթի կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ղազախստանի առաջին նախագահ Նուրսուլթան Նազարբաևի առաջարկն առ այն, որ Ադրբեջանը կարող է դիտորդ դառնալ ԵԱՏՄ-ում։

«Թվում է՝ ցանկացած ձևաչափով Ադրբեջանի և ԵԱՏՄ-ի միջև երկխոսության զարգացումը կնպաստի փոխադարձ առևտրի ակտիվացմանը, տարածաշրջանում տրանսպորտային զարկերակների ապաշրջափակմանը և տարածաշրջանային և ոչ միայն տարածաշրջանային ենթակառուցվածքային լայնածավալ նախագծերի իրականացմանը։ Միևնույն ժամանակ, կարևոր և անհրաժեշտ է հաշվի առնել, որ միության փոխգործակցության մակարդակի բարձրացման որոշումը կայացվում է բոլոր անդամ երկրների և շահագրգիռ կողմի համաձայնությամբ՝ հիմնվելով նման քայլի հնարավոր տնտեսական հետևանքների համապարփակ փորձագիտական ուսումնասիրության արդյունքների վրա»,- ասել է նա:

Դեկտեմբերի 10-ին Եվրասիական տնտեսական բարձրագույն խորհրդի (ԵՏՀԽ) պատվավոր նախագահը, Ղազախստանի առաջին նախագահ Նուրսուլթան Նազարբաևն ասել էր, որ Ադրբեջանը կարող է դիտորդ երկիր դառնալ Եվրասիական տնտեսական միությունում։
 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250