Կուտակումներ՝ Երևանի կանգառներում. երթուղայինների վարորդնեը բոյկոտում են

Պահանջում ենք միայն քաղաքապետ Հայկ Մարությանին: Այսօր առավոտից Երեւանի ավտոբուսների մի խումբ վարորդներ բողոքի ակցիա են իրականացնում: Auroranews- ը զրուցել է նրանցից մի քանիսի հետ: Մեզ հետ զրույցում վարորդները բողոքի ակցիայի հիմնական պատճառ նշեցին բավական կրճատված աշխատավարձը: 

Վարորոդները պատմում են, որ  նախկինում մոտավոր ստացել են 450-500 հազար, այժմ այն կրճատվել է և հասել 250 հազարի: Ընդծում են՝ այս աշխատավարձով հստակ չեն աշխատելու: 

Նրանց փոխանցմամբ՝ բացի աշխատավարձը կան տասնյակ չլուծված հարցեր, որոնց մասին 3 տարի է գիտի ղեկավարությունը եւ քաղաքապետարանի տրանսպորտի վարչությունը, սակայն լուծում այդպես էլ չի տրվել: Վարորդները  նշեցին, որ չունեն բժշկական ապահովագրություն, ավտոբուսները Կասկո արված չեն, ավտոբուսն ընդունելիս իրենց հետ պայմանագիր չի կնքվում, որտեղ հստակ գրված կլինի վարորդների պարտականություններն ու պատասխանատավությունը, չունեն պետքարան, կարիքի դեպքում դիմում են մոտակա խանութներին օգտվելու համար: Ժամային գրաֆիկը ծանր շատ ծանր է, արդեն կեսգիշերին տուն գնալու համար տաքսի է պետք, որի համար գումարը տրվում է սեփական գրպանից: 

Այսօր բողոքի ակցիա իրականացնող վարորդներին հանդիպել է քաղաքապետարանի տրասպորտի վարչության պետը, սակայն վարորդները հայտում են, որ պահանջում են հանդիպում միայն քաղաքապետ Հայկ Մարությանին: 

Auroranews- ը խոսեց նաեւ քաղաքապետի խոսնակ Հակոբ Կարապետյանի հետ: Նա ասաց, որ քիչ հետո հայտարարություն կլինի: