Հրդեհ Գավառ քաղաքի առանձնատներից մեկում․ ննջասենյակում դի է հայտնաբերվել

Այսօր՝ դեկտեմբերի 12-ին, ողբերգական դեպք է տեղի ունեցել Գեղարքունիքի մարզում:   Ժամը 15:10-ի սահմաններում, Արտակարգ իրավիճակների նախարարության Փրկարար ծառայության 9-11 օպերատիվ կառավարման կենտրոն ահազանգ է ստացվել, որ հրդեհ է բռնկվել Գավառ քաղաքի Հացառատ թաղամասի տներից մեկում:   Ինչպես հայտնում է ֆոտոլրագրող Գագիկ Շամշյանը, հրշեջները մարել են Հենրիկ Աբրահամյան փողոցի 5-րդ փակուղու թիվ 22 տան ննջասենյակում առաջացած հրդեհը, որտեղ՝ ննջասենյակի հատակին, բերանքսիվայր հայտնաբերվել է կիսայրված դի:   Ոստիկանները տեղում պարզել են, որ տան սեփականատերը Արսեն Մելքոնյանն է, իսկ մահացածը 43-ամյա Վիկտորիա Անտոնիշինն է:   Փաստի առթիվ ոստիկանության Գավառի բաժնի հետաքննական բաժանմունքում նյութեր են նախապատրաստվում: