Թրամփը սպառնացել է ոչնչացնել Իրանի կամուրջներն ու էլեկտրակայանները

Թրամփը սպառնացել է ոչնչացնել Իրանի կամուրջներն ու էլեկտրակայանները՝ Օրմուզի նեղուցում նավերի վրա հարձակումների դեպքում:

ԱՄՆ նախագահ Դոնալդ Թրամփը հայտարարել է, որ եթե Իրանը Օրմուզի նեղուցում որևէ հարված հասցնի նավերին, ԱՄՆ-ն ի պատասխան կհարվածի Իրանի ենթակառուցվածքներին։

«Այս պահից սկսած, ամեն անգամ, երբ Իրանի Իսլամական Հանրապետությունը հրթիռով, անօդաչուով կամ ցանկացած այլ զենքով հարվածի Օրմուզի նեղուցում գտնվող նավին, ԱՄՆ-ն կռմբակոծի և կոչնչացնի Իրանի մեկ կամուրջ կամ էլեկտրակայան, այդ թվում՝ Թեհրանի տարածքում կամ նրա հարևանությամբ գտնվող օբյեկտները», — գրել է Թրամփը Truth Social սոցիալական ցանցում։

Նա հիշեցրել է, որ նախկինում ևս բազմիցս զգուշացրել էր Իրանի կամուրջների և էլեկտրակայանների դեմ հնարավոր հարվածների մասին։