Վստահությունը, որ կա Ռուսաստանի հետ ռազմավարական գործընկերության հարաբերություններում, կարող է մեկ վայրկյանում փոխվել. Քոչարյան
Միջազգային հանրության համար մտահոգիչ պետք է լինի հնարավոր էսկալացիայի ավելացումը, Ազգային ժողովում հայտարարեց «Քաղաքացիական պայմանագիր» խմբակցության պատգամավոր Անդրանիկ Քոչարյանը:
Նա հիշեցրեց, որ 44-օրյան պատերազմի ընթացքում Թուրքիայի ու Ադրբեջանի կողմից օգտագործվել են ահաբեկչական խմբեր:
«Այդ խմբերը, եթե այս պահին նկատելի չեն, մեկ այլ լարվածության ավելացման հետ մեկտեղ կդառնան տեսանելի ու վտանգ կներկայացնեն ոչ միայն Հայաստանի ու Ադրբեջանի սահմանների, այլև՝ միջազգային հանրության համար ևս», - ասաց Քոչարյանը:
Նա ընդգծեց`վստահության թեկուզ փխրուն իրողությունը, որ գոյություն ունի Ռուսաստանի հետ ռազմավարական գործընկերության հարաբերություններում, կարող է մեկ վայրկյանում փոխվել, եթե սահմանին տեղի ունեցող գործողություններին միջամտություններ չլինեն:
