ԼՈՒՍԱՆԿԱՐ. Բրազիլիայում 12 սանտիմետրանոց պոչով երեխա է ծնվել

Բրազիլիայում պոչով երեխա է ծնվել։ Տեղեկությունը հայտնում է բրիտանական Daily Mail-ը։

Նշվում է, որ երեխայի պոչը 12 սմ երկարություն է ունեցել, որն ավարտվել է 4 սմ տրամագծով գնդաձև զանգվածով։ Բժիշկները վիրահատությամբ հեռացրել են պոչն ու գունդը։ Հայտնի չէ՝ պոչը հեռացվել է երեխայի ծնողների պահանջով, թե բժշկական նկատառումներով։ Հայտնի չէ նաև, թե ինչ հնարավոր անհարմարություն կամ առողջական խնդիրներ է այն առաջացրել փոքրիկի համար։
Երեխայի պոչը չի երևացել մոր հղիության շրջանում, բժիշկները բացահայտել են այն միայն բալիկի ծնվելուց հետո։ Նշվում է, որ բոլոր նորածինների մոտ սաղմնային պոչ է առաջանում հղիությունից չորսից ութ շաբաթ անց, սակայն այն սովորաբար նորից ներծծվում է մարմնի մեջ: 

Պատմության մեջ եղել է ընդամենը 40 փաստագրված դեպք, երբ երեխաները ծնվել են պոչով:
 

[31506cae9ee01065cf14b9633ab1b8bc.jpg]