«Միլանի» նախկին պաշտպանը երկրորդ անգամ կդառնա Թբիլիսիի քաղաքապետ. ընտրություններում հաղթել է Կախա Կալաձեն

«Միլանի» նախկին պաշտպանը երկրորդ անգամ կդառնա Թբիլիսիի քաղաքապետ. ընտրություններում հաղթել է Կախա Կալաձեն։

ԿԸՀ-ի նախնական տվյալներով՝ մայրաքաղաքում քվեաթերթիկների գրեթե 100 տոկոսը մշակելուց հետո Կալաձեն երկրորդ փուլում հավաքել է ձայների 55,6 տոկոսը։

«Միացյալ ազգային շարժում» կուսակցության թեկնածու Նիկա Մելիան ունի 44,4 տոկոս։ Թեկնածուների միջեւ տարբերությունը կազմել է 51,7 հազար ձայն։

Ընդդիմությունն արդեն հայտարարել է, որ չի ճանաչում ՏԻՄ ընտրությունների երկրորդ փուլի արդյունքները՝ համարելով, որ դրանք կեղծվել են իշխանությունների կողմից։

Ինքը՝ Կալաձեն, Facebook-ի միջոցով շնորհակալություն է հայտնել մայրաքաղաքի բնակիչներին՝ ընդդիմությանը կոչ անելով «հարգել Թբիլիսիի ընտրությունը»։