Իրանը դատապարտում է ԱՄՆ-ի կողմից նոր պատժամիջոցների սահմանումը

Իրանի ԱԳՆ-ն հայտարարություն է տարածել, որում արձագանքել է ԱՄՆ-ի կողմից նոր հակաիրանական պատժամիջոցներին:

Ինչպես հայտնում է Miran Press-ը, տարածված հաղորդագրության մեջ նշվում է. «Նոր պատժամիջոցների ներդրումը ցույց է տալիս Սպիտակ տան միանգամայն հակասական պահվածքը։  Կառավարությունը, որը խոսում է Միջուկային համաձայնագրին վերադառնալու իր մտադրության մասին և շարունակում է պատժամիջոցների կիրառման Թրամփի մոտեցումը, ազդանշան է ուղարկում, որին իսկապես չի կարելի վստահել: Մենք դատապարտում ենք Ամերիկայի գործողությունները»:

Հիշեցնենք, որ նոր պատժամիջոցներն ուղղված են չորս ֆիզիկական անձանց և երկու կազմակերպությունների դեմ, որոնք կապված են Իսլամական հեղափոխության պահապանների կորպուսի հետ: