Գեղարքունիքի 4 համայնքում նշանակվել են համայնքների ղեկավարների պաշտոնակատարներ

Գեղարքունիքի մարզպետ Կարեն Սարգսյանի որոշումներով Լուսակունք, Ծովակ, Մադինա և Ախպրաձոր համայնքներում նշանակվել են համայնքների ղեկավարների պաշտոնակատարներ: Այս մասին առկա է տեղեկատվություն մարզպետարանի կայքում: 

Մարզպետի որոշմամբ Խաչիկ Պուրակի Խաչատրյանը հոկտեմբերի 19-ից նշանակվել ՀՀ Գեղարքունիքի մարզի գյուղական բնակավայրից բաղկացած Լուսակունք համայնքի ղեկավարի պաշտոնակատար՝ մինչև միավորված համայնքի ղեկավարի լիազորությունների ստանձնումը: 


Գարիկ Գուրգենի Հակոբյանը նշանակվել  է ՀՀ Գեղարքունիքի մարզի գյուղական բնակավայրից բաղկացած Ծովակ համայնքի ղեկավարի պաշտոնակատար՝ մինչև միավորված համայնքի ղեկավարի լիազորությունների ստանձնումը: 


Վրեժ Սերյոժայի Սարգսյանը 2021 թվականի հոկտեմբերի 19-ից նշանակվել  է ՀՀ Գեղարքունիքի մարզի գյուղական բնակավայրից բաղկացած Մադինա համայնքի ղեկավարի պաշտոնակատար՝ մինչև միավորված համայնքի ղեկավարի լիազորությունների ստանձնումը: 


Լարվենդիկ Ժորժիկի Ղազարյանը նշանակվել է ՀՀ Գեղարքունիքի մարզի գյուղական բնակավայրից բաղկացած Ախպրաձոր համայնքի ղեկավարի պաշտոնակատար՝ մինչև միավորված համայնքի ղեկավարի լիազորությունների ստանձնումը: