Ամերիկյան Firefly Aerospace ընկերության հրթիռը պայթել է Կալիֆորնիայում արձակումից 2,5 րոպե հետո։ Արձակումը կատարվել է ռազմաօդային ուժերի Վանդենբերգ բազայից։ Դա առաջին փորձնական Alpha հրթիռն էր, որն ընկերությունը նախատեսում է բուռն զարգացող փոքր արբանյակների շուկայի համար։

Ընկերությունը խոստացել է անհրաժեշտ տեղեկություններ հավաքելու դեպքում պարզաբանել տեղի ունեցածի հանգամանքները։