Լուրերը մեկ տողով. Ընտրական սպասումներ, պատժամիջոցներ և դատական գործընթացներ
Անցած ժամվա լուրերը՝ հակիրճ և բովանդակային:
• Մեծ Բրիտանիան սահմանել է Ռուսաստանի դեմ պատերազմի սկզբից ի վեր ամենախոշոր պատժամիջոցների փաթեթը՝ թիրախավորելով հարյուրավոր ընկերություններ, բանկեր և էներգետիկ կառույցներ։ Լոնդոնը հայտարարում է, որ շարունակում է ճնշումը Մոսկվայի էներգետիկ եկամուտների վրա։
•Վաշինգտոնը նպատակ ունի մինչև հուլիսի 4-ը ավարտել ռուս-ուկրաինական պատերազմը։ Արևմտյան աղբյուրների գնահատմամբ՝ առայժմ նշաններ չկան, որ Մոսկվան պատրաստ է համաձայնության։
• Կրեմլը վտանգավոր է գնահատել Ուկրաինային միջուկային բաղադրիչներ փոխանցելու մասին տեղեկությունները և հայտնել, որ հարցը հաշվի կառնի բանակցություններում։ Տեղեկությունը տարածվել է ռուսական հետախուզության հաղորդագրությունից հետո։
• Երևանում մեկ տոննա կոկաինի գործով դատական նիստը չի կայացել պաշտպանների չներկայանալու պատճառով։ Հաջորդ նիստը նշանակվել է ապրիլին։
• Սոցցանցերում տարածվում են Շիրակի թեմի առաջնորդի և Կաթողիկոսի հանդիպման կադրերը։ Տնային կալանքի տակ գտնվող սրբազանին թույլատրվել է մասնակցել հուղարկավորության արարողությանը։
• ԱԺ փոխնախագահը անդրադարձել է առաջիկա ընտրություններին և ընդդիմության հնարավոր համախմբմանը։ Նա նշել է, որ ընտրողները պետք է գնահատեն քաղաքական ուժերի ծրագրերը։
