Պեսկովն անդրադարձել է Ուկրաինային միջուկային զենք մատակարարելու ծրագրերին
Մեծ Բրիտանիայի և Ֆրանսիայի կողմից Ուկրաինային միջուկային զենքով զինելու մտադրության մասին տեղեկատվությունը պոտենցիալ չափազանց վտանգավոր է, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Իհարկե, մենք հաշվի կառնենք այս տեղեկատվությունը և կներառենք այն ընթացող բանակցություններում։ Որովհետև սա պոտենցիալ չափազանց վտանգավոր տեղեկատվություն է», - լրագրողներին ասել է Պեսկովը։
Հիշեցնենք` Ռուսաստանի արտաքին հետախուզության ծառայության հաղորդմամբ՝ Մեծ Բրիտանիան և Ֆրանսիան մտադիր են Կիևին միջուկային զենք տրամադրել։
«Խոսքն Ուկրաինային այդ ոլորտում եվրոպական բաղադրիչների, սարքավորումների և տեխնոլոգիաների գաղտնի փոխանցման մասին է»,- նշվում է գերատեսչության կողմից տարածած հաղորդագրության մեջ:
