Թրամփը պատրաստվում է կարևոր հայտարարությունների

ԱՄՆ նախագահ Դոնալդ Թրամփը իր «Պետության վիճակի մասին» (State of the Union) ուղերձում նախատեսում է անդրադառնալ միգրացիոն օրենսդրության խստացման, դաշնային կառավարության ֆինանսավորման կրճատման և Գերագույն դատարանի կողմից վերջերս չեղարկված լայնածավալ սակագների պահպանմանն ուղղված քայլերին։ Ըստ AP News-ի՝ նա նաև կխոսի տարբեր երկրներում, այդ թվում՝ Իրանում և Վենեսուելայում, արագ ռազմական գործողություններ իրականացնելու հնարավորությունների մասին։

Ելույթի առանցքային թեման լինելու է երկրի «բուռն զարգացումը», ներքին արտադրության աճը և նոր աշխատատեղերի ստեղծումը, թեև հասարակության մի մասը այդ գնահատականին համաձայն չէ։

Թրամփը նշել է, որ ելույթը լինելու է երկար, քանի որ քննարկելու հարցերը շատ են, և խոստացել է հիմնական ուշադրությունը կենտրոնացնել տնտեսության վրա։