Ծովագյուղ-Ճամբարակ ավտոճանապարհին տեղի է ունեցել ավտովթար
Օգոստոսի 29-ին, ժամը 15:53-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ծովագյուղ-Ճամբարակ ավտոճանապարհին տեղի է ունեցել ՃՏՊ․ կան տուժածներ։ Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ծովագյուղ-Վարդենիս ավտոճանապարհի մոտ14-րդ կմ-ին, «BMW» մակնիշի ավտոմեքենան դուրս է եկել ճանապարհի երթևեկելի հատվածից և գլորվել դեպի մոտակա ձորակը (մոտ 3 մ):
Փրկարարները երկու տուժածի դուրս են բերել ձորակից և մոտեցրել շտապօգնության ավտոմեքենային:
shamshyan.com-ը ավելի վաղ հայտնել էր, որ վիրավորներից մեկը՝ գիտակցության չգալով, մահացել է:
Փրկարարները հոսանքազրկել են ավտոմեքենան և փակել գազի բալոնի փականը:
