Թբիլիսիում կորոնավիրուսից վեցամյա երեխա է մահացել
Թբիլիսիի Ցիցիշվիլիի անվան մանկական կլինիկայում կորոնավիրուսից վեցամյա երեխա է մահացել:
Կլինիկայի տնօրեն Մայա Չխաիձեն հայտնել է, որ երեխան օգոստոսի 27-ին կլինիկա է տեղափոխվել ծայրահեղ ծանր վիճակում, հաղորդել է Նովոստի-Գրուզիա-ն:
«Վեցամյա հիվանդը ուրբաթ կլինիկա է տեղափոխվել ծայրահեղ ծանր վիճակում: Բերվելուց անմիջապես հետո նրան միացրել են արհեստական շնչառության ապարատին:
Երեխան մի քանի հիվանդություն ուներ՝ մանկական ուղեղային կաթված, էպիլեպսիա, հոգեմետորական խանգարումներ: Կորոնավիրուսային վարակի ֆոնին սեպտիկ շոկ է զարգացել, եւ հիվանդը մահացել է», - ասել է կլինիկայի տնօրենը:
Ցիցիշվիլիի անվան մանկական կլինիկայում կորոնավիրուսով հիվանդ մոտ 80 դեռահաս շարունակում է բուժում ստանալ. նրանցից 29-ը շարունակում են մնալ վերակենդանացման բաժանմունքում, երեքը ծանր վիճակում են եւ միացված են արհեստական շնչառության ապարատին, նշել է Sputnik-Վրաստան-ը:
Վիճակագրության համաձայն՝ Վրաստանում կորոնավիրուսով հիվանդացության ամենօրյա դեպքերի 10 տոկոսը բաժին է ընկնում երեխաներին:
