Ջո Բայդենը եւ Անգելա Մերկելը քննարկել են Աֆղանստանում ստեղծված իրավիճակը
Նախագահ Ջո Բայդենը եւ կանցլեր Անգելա Մերկելը քննարկել են Աֆղանստանում ստեղծված իրավիճակը: Սպիտակ տան հաղորդմամբ՝ նրանք բարձր են գնահատել իրենց ռազմական եւ քաղաքացիական անձնակազմի շարունակական ջանքերը, որոնք սերտորեն համագործակցում են Քաբուլում` տարհանելու համար խոցելի աֆղանստանցիներին, ովքեր վերջին 20 տարիների ընթացքում անխոնջ աշխատել են` ապահովելու Աֆղանստանի ժողովրդի անվտանգությունը, խաղաղությունը եւ առաջընթացը:
Կողմերը քննարկել են նաեւ երկրում խոցելի մարդկանց տրամադրվող հումանիտար օգնության համակարգման անհրաժեշտությունը: Բայդենը եւ Մերկելը պայմանավորվել են շարունակել այս աշխատանքի պլանավորումը G7-ի գործընկերների առաջիկա վիրտուալ հանդիպման ժամանակ:
