Ֆրանցիսկոս պապը փոխել է բրազիլացի եպիսկոպոսին ինտիմ բնույթի տեսագրության պատճառով
Հռոմի Ֆրանցիսկոս պապը բավարարել է եպիսկոպոս Տոմե Ֆերեյրա դա Սիլվայի խնդրանքը Բրազիլիայի Սան Ժոզե դու Ռիու Պրետու քաղաքի եպիսկոպոսի պաշտոնից հրաժարականի մասին: Այս մասին հայտնում է «ՌԻԱ Նովոստի»-ն:
Նշվում է, որ անցյալ ուրբաթ սոցցանցում տեսանյութ էր հայտնվել, որում 60-ամյա կաթոլիկ եպիսկոպոսը պատկերվում էր կիսամերկ վիճակում մեկ այլ տղամարդու հետ ինտիմ բնույթի տեսազանգ կատարելիս: Պատասխանելով բրազիլացի լրագրողների հարցերին՝ Ֆերեյրա դա Սիլվան խոստովանել է, որ տեսագրության մեջ իսկապես ինքն է պատկերված, սակայն հրաժարվել է մեկնաբանել տեսանյութի բովանդակությունը:
Ֆրանցիսկոս պապը քաղաքի թեմի ժամանակավոր ղեկավար է նշանակել բրազիլական Ռիբեյրան Պրետու քաղաքի արքեպիսկոպոս Մոասիր Սիլվային:
