Սոթքի ոսկու հանքավայրից տարհանվել է մեկ հերթափոխի աշխատակից՝ մոտ 200 հոգի. Ռուզաննա Գրիգորյան

Ես հաստատում եմ տեղեկատվությունը, որ ադրբեջանական կողմի անկանոն կրակոցների հետևանքով Սոթքի ոսկու հանքավայրի աշխատակիցները տարհանվել են։ Այս պահին էլ հանքի տարածքում անկանոն կրակոցները շարունակվում են։ Խոսքը մեկ հերթափոխի աշխատակիցների՝ մոտ 200 հոգու մասին է, Aysor.am-ի թղթակցի հետ զրույցում ասաց «Գեոպրոմայնինգ գոլդ» ընկերության պաշտոնական ներկայացուցիչ Ռուզաննա Գրիգորյանը։

«Ինչպես տեղյակ եք, սահմանային մի մասն անցնում է հենց հանքավայրի տարածքով, ուստի ղեկավարությունը որոշում է կայացրել աշխատանքները դադարեցնել և տարհանել մեր աշխատակիցներին՝ ապահովվելու վերջիններիս անվտանգությունը», - ասաց մեր զրուցակիցը՝ հավելելով, որ հակառակորդի կրակոցների հետևանքով տուժածներ և վիրավորներ չկան։

Ռուզաննա Գրիգորյանը նև նշեց, որ ընկերությունը, կարծես, իմունիտետ է ձեռք բերել՝ հարմարվելով նոր իրականությանը, ապրելով և աշխատելով այդ իրականությունում։

«Մենք շատ ճկուն ենք արձագանքում իրավիճակին և իսկույն ճիշտ որոշումներ է կայացնում՝ իրավիճակից առանց վնասների դուրս գալու համար», - ասաց նա։