Էրդողանի հայտարարությունը` Կիպրոսի հարցի շուրջ
Թուրքիան Կիպրոսի հարցի համար եւս 50 տարի չունի, որպեսզի անտեղի ծախսի: Այս մասին հայտարարել է Թուրքիայի նախագահ Ռեջեփ Էրդողանը, հաղորդում է Kathimerini-ն:
Թուրք կիպրացիների առաջնորդ Էրսին Թաթարը հայտարարել է Թուրքիայի կողմից օկուպացված հյուսիսային Կիպրոսում Ֆամագուստա քաղաքի հատվածի բացման ծրագրերի մասին:
Թաթարի խոսքով՝ ծրագրվում է չեղարկել այդ հատվածի ռազմական կարգավիճակը:
Էրդողանն իր խոսքում սպառնացել է «թուրք կիպրացիների թշնամիներին», այդ թվում Հունաստանի վարչապետ Կիրիակոս Միցոտակիսին: Նա կրկնել է երկու պետությունների հիմքով խնդիրների լուծման իր կոչը՝ կտրուկ քննադատելով Եվրամիությանը, որը մերժել է այդ գաղափարը:
