ՏԵՍԱՆՅՈՒԹ․ Վրաստանի խորհրդարանում ընդդիմության և իշխանության ներկայացուցիչների միջև ծեծկռտուք է տեղի ունեցել
Վրաստանի ընդդիմադիր կուսակցությունների պատգամավորների և իշխանությունների ներկայացուցիչների միջև խորհրդարանի շենքում ծեծկռտուք է տեղի ունեցել, հայտնում է РИА Новости-ն:
Կադրերը ուղիղ եթերով ցուցադրվել են վրացական հեռուստաընկերությունների կողմից:
Ընդդիմության կուսակցությունների ներկայացուցիչները կոչ են անում բոլոր լրագրողներին, որոնք պահանջում են վարչապետ Իրակլի Ղարիբաշվիլիի հրաժարականը, մտնել խորհրդարանի շենք:
Վրաստանում նախապատրաստվում էին ԼԳԲՏ համայնքների ներկայացուցիչների երթին, բայց այն չեղարկվել է նման միջոցառման հակառակորդների գործողության պատճառով, որոնք այդ օրը փակել էին Ռուսթավելի պողոտան: Ավելի քան 50 լրագրող վիրավորվել է: Անկարգությունների մասնակիցները քարեր ու շշեր են նետել ընդդիմադիր լրատվամիջոցների ներկայացուցիչների վրա:
Ավելի ուշ «ТВ Пирвели» հայտարարել է իր օպերատոր Լաշկարավայի մահվան մասին, որը վիրավորվել էր հուլիսի 5-ի բողոքի ցույցերի ժամանակ: Ձերբակալվել է չորս մարդ:
Օպերատորը մի քանի օր բուժվում էր կլինիկայում, որից հետո դուրս էր գրվել: Քննիչները կպարզեն մահվան ճշգրիտ պատճառը:
