Եվրոպայում ամենամաքուր օդն ունեցող քաղաքները

Շվեդական Ումեո քաղաքը զբաղեցրել է ամենամաքուր օդն ունեցող եվրոպական քաղաքների վարկանշային ցանկի առաջին հորիզոնականը: Վարկանիշը կազմել է Շրջակա միջավայրի եվրոպական գործակալությունը, փոխանցում է euro-pulse.ru-ն: 

Օդի մաքրությունը գնահատելու համար ստուգվել է տարրալուծված պինդ մասնիկների պարունակությունը դրանում. որքան ցածր են, այնքան մաքուր է օդը: 

Ամենամաքուր օդն ունեցող եվրոպական քաղաքներն են՝ 

1.Ումեո՝ Շվեդիա, 

2. Տամպերե՝ Ֆինլանդիա, 

3. Ֆունշալ՝ Պորտուգալիա, 

4. Տալլին՝ Էստոնիա, 

5. Բերգեն՝ Նորվեգիա, 

6. Ուպպսալա՝ Շվեդիա, 

7. Նարվա՝ Էստոնիա, 

8. Սալամանկա՝ Իսպանիա, 

9. Ստոկհոլմ՝ Շվեդիա, 

10. Տարտու՝ Էստոնիա: 

Առավել աղտոտված օդը հայտնաբերվել է Նովի Սոնչում (Լեհաստան), Կրեմոնայում (Իտալիա) և Սլավոնսկի Բրոդում (Խորվաթիա): 

Օդի որակը գնահատվել է Եվրոպայի 323 քաղաքում, որից 127-ում այն գնահատվել է որպես լավ: Գործակալությունը նշում է, որ վերջին տարիներին Եվրոպայում օդի որակը զգալիորեն լավացել է: