Տիգրան Մուկուչյանը հայտնել է, թե ինչքան գումար է ծախսվելու՝ քվեաթերթիկների տպագրության համար
Արտահերթ խորհրդարանական ընտրություններին շուրջ 460 մլն դրամ է ծախսվելու միայն քվեաթերթիկների տպագրության համար։ Լրագրողների հետ ճեպազրույցում հայտարարեց Կենտրոնական ընտրական հանձնաժողովի նախագահ Տիգրան Մուկուչյանը։
«Մեզ հատկացվող գումարի հիմնական մասը`80 տոկոսը, ծախսվում է որպես աշխատավարձ` տեղամասային հանձնաժողովների անդամների և մյուսների։ Բացի այդ, մոտավորապես 70 մլն հատ քվեաթերթիկ է տպագրվելու»,–ասաց Մուկուչյանը։
Նա վստահեցրեց` ընտրությունների ավարտից հետո հաշվետվություն կներկայացնեն։
Հիշեցնենք, որ արտահերթ խորհրդարանական ընտրությունները տեղի կունենան հունիսի 20-ին։
