ՏԵՍԱՆՅՈՒԹ. Այս իշխանությունները եկան դագաղներով, հիմա էլ մեր տարածքում զինվոր են գերեվարում, և հետո ասում եք, որ ապագա կա
ԱԺ ԲՀԿ խմբակցության պատգամավոր Նաիրա Զոհրաբյանն ԱԺ նիտի ժամանակ, անդրադառնալով Ադրբեջանի կողմից ՀՀ ՊՆ 6 զինծառայողի գերեվարման փաստին, նշեց, որ տեղի ունեցածն աղետ է։
«Այս աղետը պետք է կանգնեցնել։ Այս իշխանությունները եկան դագաղներով, հանձնեցին Արցախը։ Հիմա էլ մեր տարածքում զինվոր են գերեվարում, և հետո ասում եք, որ ապագա կա։ Ես սարսափում եմ՝ ձեզ հետ ի՞նչ ապագա պետք է լինի»,- նշեց նա։
Նրան արձագանքեց «Իմ քայլը» խմբակցության ղեկավար Լիլիթ Մակունցը՝ Նաիրա Զոհրաբյանին հորդորելով ատելության խոսք չտարածել ԱԺ ամբիոնից։
«Դա հարիր չէ ոչ ԱԺ-ին, ոչ ԱԺ Մարդու իրավունքների պաշտպանության մշտական հանձնաժողովին, որի նախագահը եղել եք դուք և որի անդամն եք»,- ասաց Մակունցը։ Լիլիթ Մակունցը 20 րոպե ընդմիջում խնդրեց:
