Նման տխմարություն ես չէի կարող ասել. Իմքայլական պատգամավոր

Որոշ լրատվամիջոցներ գրել են, թե ես իմ այսօրվա ելույթի մեջ ասել եմ, որ Արցախն Ադրբեջան է: Նման տխմարություն ես չէի կարող ասել, մտածել: Չէի կարող մտածել ոչ միայն որպես ԱԺ պատգամավոր, այլ նաև որպես մարդ, ով իր կյանքի մեծ մասը նվիրել է այս խնդիրների ուսումնասիրմանը: Այս մասին խորհրդարանում հայտարարեց պատգամավոր Վլադիմիր Վարդանյանը: 

Վարդանյանը հայտարարեց, թե հասկանում է, որ իր ելույթը շատ ցավոտ է եղել ադրբեջանցիների ու որոշ շրջանակների համար՝ հավելելով, որ Արցախի ինքնորոշման իրավունքը, անկախությունն անբեկանելի են, ցանկացած մանիպուլացիայ արժանանալու է շատ կոշտ արձագանքի: