Այս պահի դրությամբ Հայաստանում պատվաստվել է ընդամենը 2690 մարդ, ինչը խայտառակ ցածր ցուցանիշ է: Այս մասին կառավարության նիստում հայտարարեց Նիկոլ Փաշինյանը:

Նրա խոսքերով, աշխարհում հիմա պատվաստված մարդկանց թիվը երկրի որակի նշան է՝ բոլոր առումներով՝ տնտեսական, քաղաքակրթական, քաղաքական. «Դա պետք է լինի մեր ամենօրյա աշխատանքը: Եթե մենք ասում ենք, որ 18 տարեկանից բարձր բոլորը կարող են պատվաստվել, եկեք սկսենք մեզանից՝ նախ մենք, հետո մեր գերատեսչություն աշխատող գործընկերները»: