Հունահռոմեական ոճի ըմբիշ, 72 կգ քաշային Մալխաս Ամոյանը Լեհաստանում ընթացող Եվրոպայի առաջնության եզրափակչում ցավալի պարտություն է կրել Վրաստանի ներկայացուցիչ Շմագի Բոլկվաձեի հետ գոտեմարտում ու դարձել արծաթե մեդալակիր։ Մեր ըմբիշը 1-4 հաշվով պարտություն է կրել։ 
Իսկ 87 կգ քաշային Կարապետ Չալյանը բրոնզե մեդալի համար պայքարում մրցեց Վրաստանի ներկայացուցիչ Աիվենգո Ռիկաձեի հետ ու պարտություն կրեց 2-3 հաշվով։ Այսպիսով, Չալյանը, որն արդեն ապահովել է իր մասնակցությունը Տոկիոյի Օլիմպիական խաղերին, չկարողացավ մեդալ նվաճել Եվրոպայի ընթացիկ առաջնությունում։


Հիշեցնենք, որ Ամոյանը քառորդ եզրափակչում 5-0 հաշվով հաղթել էր Մաքսիմ Եվտուշենկոյին, իսկ կիսաեզրափակչում 6:0 հաշվով առավելության էր հասել լեհ Ռոման Պաչուրկովսկի նկատմամբ։