ԵՄ դեսպանն Ադրբեջանի ԱԳՆ է կանչվել Թոյվո Կլաարայի և Դավիթ Բաբայանի հանդիպման առնչությամբ
Ապրիլի 16-ին Ադրբեջանի ԱԳՆ է հրավիրվել Ադրբեջանում Եվրամիության ներկայացուցիչ, դեսպան Կեստուտիս Յանկաուսկասը: Այս մասին տեղեկացնում է minval.az կայքը:
Ինչպես նշված է Ադրբեջանի ԱԳՆ հաղորդագրության մեջ, Յանկաուսկասին բողոք է ներկայացվել Հարավային Կովկասում ԵՄ հատուկ ներկայացուցիչ Թոյվո Կլաարայի` այս տարվա ապրիլի 14-ին Հայաստան կատարած այցի շրջանակում Արցախի արտգործնախարար Դավիթ Բաբայանի հետ հանդիպման կապակցությամբ:
Նշվել է, որ Հարավային Կովկասում ԵՄ հատուկ ներկայացուցչի նման գործողությունները խարխլում են նրա նկատմամբ Ադրբեջանի վստահությունը:
