Ողբերգական դեպք՝ Երևանում. բնակարանում հայտնաբերել են 27-ամյա մոր և նրա 7-ամյա դստեր դիերը
Ապրիլի 1-ին ողբերգական դեպք է տեղի ունեցել Երևանում։ Ժամը 00։40-ի սահմանում «Արաբկիր» շտապօգնության ենթակայանից ոստիկանության Քանաքեռ-Զեյթունի բաժին ահազանգ է ստացվել, որ բժիշկների հերթապահ խումբը կանչով մեկնել է Ռուբինյանց փողոցի շենքերից մեկի բնակարան, որտեղ հայտնաբերել են 27-ամյա Ս. Մ․-ի և 7-ամյա Կ. Մ․-ի դիերը, գրում է shamshyan.com-ը։
Դեպքի փաստով ավագ քննիչ Հարությունյանի կողմից նյութեր են նախապատրաստվում, նշանակվել է դիակների դատաբժշկական փորձաքննություն։
Ըստ աղբյուրի՝ Կ. Մ․-ն Ս. Մ․-ի դուստրն էր, սովորում էր Երևանի ավագ դպրոցներից մեկի 1-ին դասարանում։