Հրապարակվել է կորոնավիրուսի ծագման մասին զեկույցը
Առողջապահության համաշխարհային կազմակերպությունը հրապարակել է կորոնավիրուսի ծագման մասին զեկույցը չինական Ուհան քաղաք կատարած այցից հետո: Փաստաթղթում ասվում է, որ COVID-19-ի լաբորատոր ծագումը «քիչ հավանական է», բայց ամենահավանական վարկածը մարդուն վիրուսի փոխանցումն է միջանկյալ կրողի միջոցով:
Միևնույն ժամանակ, գիտնականները շարունակում են դիտարկել վիրուսի ծագման բոլոր վարկածները և փնտրում են հիվանդության աղբյուրը:
«Բոլոր վարկածները մնում են ուժի մեջ: Այս զեկույցը մատնանշում է միայն ճանապարհի սկիզբը, բայց դա վերջը չէ: Մենք դեռ չենք գտել այս վիրուսի աղբյուրը և պետք է շարունակենք ընթանալ գիտության ուղով»,-ասել է ԱՀԿ գլխավոր տնօրենը:
