Որոշ մարզերում քամին կուժգնանա. եղանակի տեսություն

Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։

 Հանրապետության տարածքում մարտի 22-ին առանձին շրջաններում, 23-25-ը շրջանների զգալի մասում ժամանակ առ ժամանակ սպասվում են տեղումներ, հնարավոր է ամպրոպ։ Մարտի 26-ին սպասվում է առանց տեղումների եղանակ:

Տեղեկությունը հայտնում են ՀՀ ԱԻՆ «Հիդրոմետ» ծառայությունից և հավելում, որ քամին հարավ-արևմտյան է՝ 2-5 մ/վ արագությամբ։ Առանձին շրջաններում սպասվում է քամու ուժգնացում մինչև 15-20 մ/վ արագությամբ։

[8172f6237bd11f1af2d2e970794ebd72.jpg]

Եղանակի կանխատեսում

Օդի ջերմաստիճանը մարտի 22-23-ն աստիճանաբար կբարձրանա 5-7 աստիճանով:

Երևան քաղաքում ևս մարտի 22-25-ը ժամանակ առ ժամանակ սպասվում է անձրև: Մարտի 26-ին սպասվում է առանց տեղումների եղանակ:

Մայրաքաղաքում մարտի 22–ի գիշերը կլինի 5-7 աստիճան տաքություն, իսկ ցերեկային ժամերին կգրանցվի +15...+17 աստիճան։