Շուրջ 1.37 մլրդ դոլարի վնաս. Տոկիոյի Օլիմպիական խաղերը կանցնեն առանց արտասահմանցի հանդիսատեսի
Տոկիոյի օլիմպիական խաղերի ժամանակ արտասահմանցի հանդիսատեսի բացակայության պատճառով Ճապոնիան կկրի 1,37 մլրդ դոլարի վնաս: Այս մասին հայտնում է РИА Новости-ն:
Նշվում է, որ նման ցուցանիշ են ցույց տվել ճապոնացի փորձագետների հաշվարկները:
Ավելի վաղ հայտնել էինք, որ կորոնավիրուսի տարածումից խուսափելու համար Ճապոնիայում որոշում էր կայացվել մրցումներն անցկացնել առանց արտասահմանցի երկրպագուների:
Ճապոնիայի Օլիմպիական խաղերը կանցկացվեն այս ամռանը՝ հուլիսի 23-ից օգոստոսի 8-ը, սակայն լոգոյում կպահպանվի 2020 թվականը։
