Վարչական դատարանի որոշումն իմանալով՝ Փաշինյանը կորցրել է ինքնատիրապետումը. «Հրապարակ»

Վարչական դատարանի՝ Օնիկ Գասպարյանին վերաբերող միջանկյալ որոշման մասին Նիկոլ Փաշինյանին զեկուցել են երեկ ուշ երեկոյան։ Այս մասին գրում է Hraparak.am-ը՝ հղում անելով Նիկոլ Փաշինյանին մոտ կանգնած իր աղբյուրներին։ Խոսքը հայցի ապահովման միջանկյալ միջոց կիրառելու մասին է, ըստ որի՝ Օնիկ Գասպարյանը շարունակում է զբաղեցնել ԶՈՒ ԳՇ պետի պաշտոնը՝ քանի դեռ դատարանը վերջնական որոշում չի կայացրել։

Այս լուրն այնքան է վրդովվեցրել Փաշինյանին, որ նա կորցրել է ինքնատիրապետումը։ Նստել է իրեն սպասարկող մեքենան եւ կարգադրել է քշել։ Վարչապետի եւ նրան ուղեկցող թիկնազորի մեքենաները կեսգիշերն անց՝ 1։30-ի սահմաններում սկսել են պտտվել Մաշտոնցի պողոտայով՝ դեպի վեր, ապա դեպի վար։ Կայքի  աղբյուրը նշել է, որ չգիտեն, թե ինչ վիճակում էր վարչապետը, հավանաբար՝ ալկոհոլի ազդեցության տակ, չգիտեն նաեւ, թե ուր էր ուզում գնալ։ Միայն ենթադրում են, որ երեւի ինչ որ տեղ էր ուզում գնալ, իսկ ուղեկցողները փորձում էին համոզել, որ չանի նման բան։ Դա էր պատճառը, որ վարչապետի կորտեժը պտտվում էր Մաշտոցով՝ վեր ու վար։