ՏԵՍԱՆՅՈՒԹ. Դուք գերագնահատում եք իմ ինտելեկտուալ հնարավորությունները. Ռուս լրագրողը՝ Ալեն Սիմոնյանին
ԱԺ փոխխոսնակ Ալեն Սիմոնյանը օրերս ռուս լրագրողներին զարմացրեց իր ինտելեկտով։
Երբ ռուս լրագրողն ԱԺ փոխխոսնակին հարցնում է՝ ինչու՞ վարչապետն արեց «Իսկանդեր»-ի վերաբերյալ հայտարարությունը, Ալեն Սիմոնյանը հետևյալ կերպ է պատասխանում․ «Այս պահին չեմ ցանկանում պատասխանել այդ հարցին, քանի որ Հայաստանում կատարվում են տարբեր իրադարձություններ, որոնց վրա իմ պատասխանը կարող է ազդեցություն թողնել։ Միակ բանը, որ կարող եմ ասել, պարզապես պետք է դիտարկել իրադարձությունների կապը։ Այդ հայտարարությունից հետո եղավ վարչապետի հայտարարությունն այն մասին, որ պաշտոնից ազատում է որոշ բարձրաստիճան պաշտոնյաների, որին հաջորդեց ՌԴ ՊՆ-ի հայտարարությունը։ Կարծում եմ՝ սա կհուշի ձեր հարցի պատասխանը»,-նշեց Ալեն Սիմոնյանը։
Լրագրողի հարցին՝ ի՞նչ է ՌԴ ՊՆ-ն հայտարարել, Ալեն Սիմոնյանն ասաց, որ ՌԴ ՊՆ-ն հայտարարել է՝ «Իսկանդեր»-ը չի կրակել պատերազմի 44 օրվա ընթացքում։
Ռուս լրագրողը, արձագանքելով Ալեն Սիմոնյանին, ասում է․ «Դուք գերագնահատում եք իմ ինտելեկտուալ հնարավորությունները։ Ասում եք, որ կարող եմ հականալ ամեն ինչ, բայց չեմ հասկանում։ Փաշինյանն ասաց «Իսկանդերի» վերաբերյալ, իսկ հետո ՌԴ ՊՆ-ն ասաց, որ «Իսկանդերը» չի կրակել։ Մտածեցի և ի՞նչ»։
Ալեն Սիմոնյանն էլ իրավիճակը շտկելու համար ասաց, որ Հայաստանում ստեղծված իրավիճակից ելնելով նպատակահարմար չի գտնում լրագրողի հարցին կոնկրետ պատասխանել։
