Օրվա լրահոս

Ֆրանսիացի դերասան Ժերար Դեպարդյեն խոսել է իր դեմ առաջադրված բռնաբարության մեղադրանքի մասին: Այս մասին հայտնում է La Repubblica-ն։

«Ես անմեղ եմ, այդ պատճառով վախենալու ոչինչ չունեմ»- իրավիճակը մեկնաբանել է 72-ամյա արտիստը: Նա նշել է, որ իր ենթադրյալ զոհը ոչ մի ապացույց չունի։ Դեպարդիեն հրաժարվել է խոսել երիտասարդ դերասանուհու մասին, որը նրա դեմ մեղադրանքներ Է առաջադրել, սակայն ընդգծել է, որ մարտի 10-ին կհայտնվի դատարանում եւ կապացուցի, որ իր դեմ ոչ մի ապացույց չկա:

 

«Մենք կարծես ապրում ենք ականջակալներով՝ այս բոլոր հոսքային ալիքներով, կապի նոր միջոցներով, վեբ-կայքերով, սոցիալական ցանցերով, որոնք մշտապես փոխանցում են բացասական եւ հաճախ կեղծ եւ ոչ օբյեկտիվ նորություններ: Ես այս ամենն ատում եմ», - հայտարարել է Դեպարդյեն։ 

 

Հիշեցնենք՝ դերասանը վստահություն է հայտնել, որ դատավորը չի հավատա, թե ինքը կարող է բռնաբարող լինել։

Փետրվարի 23-ին հայտնի է դարձել, որ Դեպարդյեին առաջադրվել են մեղադրանքներ՝ բռնաբարության եւ սեռական ոտնձգությունների կատարելու գործով: Առաջին անգամ 22-ամյա դերասանուհին մեղադրել էր աարտիստին դեռ 2018-ի ամռանը։

 

Քրեական գործը փակվել էր, սակայն ենթադրյալ զոհը նոր բողոք էր ներկայացրել: Դերասանուհու անունը չի բացահայտվում, սակայն հետաքննությանը մոտ աղբյուրը պնդում է, որ աղջիկը եւ Դեպարդյեն բավականին լավ ծանոթ են եղել՝ նա օգնել է նրան ֆիլմերում կարիերա սկսել:

Վերջին նորություններ