Անկեղծ ասած, բաներ կան ես էլ չեմ հասկանում. Արծրուն Հովհաննիսյանը՝ Շուշիի անկման մասին

Չգիտեմ, անկեղծ ասած, բաներ կան ես էլ չեմ հասկանում: Այս մասին լրագրողների հետ զրույցում հայտարարել է Արծրուն Հովհաննիսյանը՝ խոսելով այն մասին, թե ինչպես էր հնարավոր մտնել Շուշի:

«Խորհուրդ կտամ մի քիչ սթափ նայել իրավիճակին: Հասկանում եմ, որ հիմա բոլորս էմոցիաների վրա ենք: Ուսումնասիրել է պետք։ Ես ամեն օր փորձում եմ պատերազմն ուսումնասիրել, ամեն օր տեղեկություններ եմ հավաքում, որ ինձ համար շատ անհասկանալի բաներ հասկանամ, որոնք պատերազմի ընթացքում չեմ հասկացել, կամ ինձ է այդ տեղեկությունը զորքերից հասել որոշակի սխալմունքներով, կամ թերություններով կամ հակասություններով: Ես էլ չեմ կարողանում մինչև վերջ որոշ բաներ հասկանալ, այդ թվում Շուշիի հետ կապված:

Ի դեպ, տեղեկություններով մասով ասեմ, որ դրանք ես բացառապես ստացել եմ ՊՆ-ից ու գլխավոր շտաբի օպերատիվից»,-ասել է նա: