Մարսելում կրակել են հայկական մշակույթի կենտրոնի վրա. դեսպանատունն արձագանքել է
Մարսելի հայկական եկեղեցու մշակութային կենտրոնի վրա հարձակումը խիստ մտահոգություն է առաջացնում: Այս մասին հայտնում է Ֆրանսիայում ՀՀ դեսպանատունը:
«Վերահաստատում ենք, որ ազգային պատկանելության հիմքով ատելության ցանկացած գործողություն, վերջին շրջանում Ֆրանսիայում հայերի և հայկական մշակութային ժառանգության դեմ թուրքա-ադրբեջանական ոտնձգությունների օրինակով, պետք է բացառվի»,- հայտնում է դեսպանատունը։
Հիշեցնենք, որ Մարսելում կրակել են հայկական մշակույթի կենտրոնի վրա: Հրազենը կոտրել է երկրորդ հարկի պատուհանը, որտեղ դաշնամուրի դաս էր անցկացվում: Տուժածներ չկան:
Մարսելի «Սուրբ Սահակ Սուրբ Մեսրոպ» մշակույթի կենտրոնը հայկական ամենախորհրդանշական կենտրոններից մեկն է: Սրահում շաբաթական սովորում են ավելի քան 250 երեխա:
