Եթե Կոնդն էլ փչացնենք, 2800-ամյա Երևանը կզրկվի զբոսաշրջիկներին ներկայանալի լինելուց. նախկին փոխնախարար

ՀՀ Մշակույթի նախկին փոխնախարար Տիգրան Գալստյանը ֆեյսբուքի իր էջում գրել է. «Երևանի Կոնդ թաղամասում, առանց հնագիտական պեղումներ իրականացնելու ու ուսումնասիրելու ինչպե՞ս կարելի է ճարտարապետական նախագծի մրցույթ հայտարարել: Անշարժ մշակութային ժառանգության շերջ ունեցող թաղամասի բարեկարգման քաղաքաշինական ու ճարտարապետական նախագիծը կարելի է իրականցնել միայն տարածքի լիարժեք հետազոտումից, ուսումնասիրումից, վերլուծելուց ու չափանիշներ մշակելուց հետո:

Կոնդ թաղամասը Երևանի, զբոսաշրջային լեզվով ասած "հին քաղաք" ներկայանալու վերջին շանսն է, եթե Կոնդն էլ փչացնենք 2800-ամյա Երևանը կզկվի զբոսաշրջիկներին ներկայանալի լինելուց ու պատմամշակութային ժառանգության այդ ժամանակաշրջանի համար կարևոր շերտից»: