Դատապարտում ենք Շուշիում Ալիևի հնչեցրած սադրիչ և հայատյաց հայտարարությունները. ԱԳ նախարար
Այսօր կառավարություն-ԱԺ հարցուպատասխանի ժամանակ «Իմ քայլը» խմբակցության պատգամավոր Տաթև Հայրապետյանը, դիմելով ԱԳ նախարար Արա Այվազյանին, նշեց, որ Ալիևը Շուշիում հանդես է եկել իր հայատյաց հայացքներով և նշել, որ Հայաստանում ռևանշի մասին մտածողները բախվելու են երկաթյա բռունցքի։
Նա հետաքրքրվեց, թե ինչպիսի դիրքորոշում ունի ԱԳՆ-ն և որոնք են առաջնահերթությունները։
«ԱԳՆ-ն մի քանի հայտարարություններով հանդես է եկել Ձեր բարձրացված հարցերի վերաբերյալ։ Մենք դատապարտում ենք Ալիևի հայտարարությունները և գտնում ենք, որ դրանք չեն նպաստում տարածաշրջանում անվտանգության և խաղաղության հաստատմանը։ Մենք վստահ ենք, որ պարոն Ալիևի հայտարարություններն իրարամերժ են»,- ի պատասխան պատգամավորի հարցադրման՝ ասաց Այվազյանը:
