Մանրամասներ՝ Էդմոն Մարուքյան-Նիկոլ Փաշինյան երեկվա հանդիպումից
Mediaport-ին մանրամասներ են հայտնի դարձել նաև Էդմոն Մարուքյան-Նիկոլ Փաշինյան երեկվա հանդիպումից։
Հանդիպումը տևել է 20 րոպե, Նիկոլ Փաշինյանն առաջարկել է հուշագիր ստորագրել, որ իր հրաժարականի դեպքում խորհրդարանն այլ թեկնածու չի առաջադրելու, Մարուքյանը մերժել է հուշագիր ստորագրելու առաջարկը։
Փաշինյանն ասել է, որ այդ դեպքում կգնան խորհրդարանի ինքնալուծարման ճանապարահով, Մարուքյանը հակադարձել է, որ իշխանության ունեցած պատգամավորների թիվը չի բավարարում ինքնալուծարման համար, ինչին ի պատասխան Փաշինյանն ասել է, որ իր ասածը անելու են ԲՀԿ-ից դուրս եկած Սերգեյ Բագրատյանն ու «անկախ» պատգամավոր Արման Բաբաջանյանը, մյուսների հետ էլ աշխատանք կտարվի։
Մարուքյանը պահանջել է, որ Փաշինյանը հրաժարական տա՝ առանց նախապայմանների, որից հետո միայն կհամաձայնեն արտահերթ ընտրություններ անկացնելուն։
